Поиск
RUUZ

Общество

Ўзбекистон Қозоғистон фермерларига сув етказиб бериш ҳажмини оширади

Ўзбекистон “Достик” давлатлараро канали орқали ер суғориш учун сув ўтказиш ҳажмини кўпайтирди.

646views0replies
0

gov.kz

19 июль куни Тошкентда сув хўжалиги вазири Ш. Ҳамроев ва Қозоғистоннинг экология, геология ва табиий ресурслар вазири М. Мирзагалиев ўртасида учрашув бўлиб ўтди. Унда Сирдарёнинг ўрта ва қуйи оқимларида сув ресурсларини бошқариш ҳолатини яхшилаш бўйича қўшма чора-тадбирлар муҳокама қилинди.
Учрашув якунида Қозоғистон учун “Достик” давлатлараро канали орқали Туркистон вилоятининг Мақтаарал ва Еттисой туманлари фермерлари учун сув чиқарилиши 80 дан 90 м3/с гача оширилди. Шундай қилиб, ёзги вегетация даврида Қозоғистон деҳқонлари ерларини суғоришда сув танқислигини сезмайди.
Учрашув давомида, шунингдек, Сирдарё дарёсидан тўлдириладиган Шардара сув омборига оқимни кўпайтириш бўйича қўшма тадбирларни давом эттириш бўйича келишувга эришилди. Бундан ташқари, томонлар Қозоғистон ва Ўзбекистон ҳукумати ўртасида трансчегаравий сув ҳавзаларини биргаликда бошқариш ва улардан фойдаланиш тўғрисидаги битим лойиҳасини муҳокама қилди. Шартнома лойиҳасини келишиб олиш бўйича жараённи жорий йил охиригача якунлаш истаги билдирилди.
Эслатиб ўтамиз, аввалроқ июнь-август ойларида Қирғизистондаги Тўқтогул сув омборидан Сирдарёга қўшимча 330 миллион м3 сув етказиб бериш тўғрисида келишувга эришилганди.
646views0replies
0

Комментарии