Президентнинг 19 июлдаги қарори билан Universal Mobile Systems МЧЖ устав капиталидаги 100% давлат улуши бўйича иштирокчи ҳуқуқи Ахборот технологиялари ва коммуникацияларини ривожлантириш вазирлигига берилди.
Қарор билан “Рақамли ишонч” рақамли иқтисодиётни ривожлантиришни қўллаб-қувватлаш жамғармаси тугатилмоқда.
Жамғармани тугатиш Лойиҳа бошқаруви миллий агентлиги таклифи билан амалга оширилган.
Эслатиб ўтамиз, 2018 йилда Ucell’га эгалик қилган Telia Company швед-фин компанияси барча улушини (акцияларнинг 94 фоизи) Ўзбекистон Давлат рақобат қўмитасига сотганди.
