Поиск
RUUZ

Общество

АҚШ Ўзбекистондаги боғчаларни ривожлантиришга $21,5 млн ажратади

Ушбу маблағ қишлоқдаги ресурслари кам МТМларни таъмирлаш ва уларни озиқ-овқат билан таъминлашга сарфланади.

366views0replies
0

АҚШ элчихонаси

"Меҳр-шафқат" корпуси (Mercy Corps) Мактабгача таълим вазирлиги ва Ўзбекистон ССВ қошидаги Санитария-эпидемиологик осойишталик ва жамоат саломатлиги хизмати Ўзбекистоннинг мактабгача таълим муассасаларида овқатланишни яхшилаш дастури бўйича меморандум имзолади. Бу ҳақда АҚШнинг Ўзбкекистондаги элчихонаси Матбуот хизмати маълум қилди.
Қайд этилишича, ушбу дастур АҚШ Қишлоқ хўжалиги вазирлиги томонидан молиялаштирилади. $21,5 миллионлик дастур Ўзбекистондаги 40 мингдан зиёд МТМларни озиқ-овқат билан таъминлаш ҳамда Қорақалпоғистон ва Сурхондарё вилоятидаги 245 та қишлоқ ва кам таъминланган МТМларидаги 90 минг нафар бола учун овқатланиш ва таълим олишни такомиллаштириш учун қўшимча инфратузилмани ривожлантришни кўзда тутади.
Мазкур муҳим уч томонлама битим МТМларни кундалик озиқ-овқат билан таъминлаш, саводхонлик даражасини ошириш, ўқитувчилар ва тиббиёт ҳамшираларини ўқитиш, мактабгача таълим муассасалари, жумладан, синф хоналари, ошхона ва жамоат ҳожатхоналарини таъмирлаш орқали Ўзбекистон ҳукумати ва Mercy Corps халқаро нодавлат ташкилоти ўртасидаги ҳамкорликни расман мустаҳкамлайди. 
Мактабгача таълим даражасини яхшилаш бўйича Ўзбекистоннинг устувор режаларига мувофиқ равишда, мазкур дастур 3-7 ёшдаги болалар учун сифатли таълим олишни кенгайтириш бўйича ҳукуматнинг таълим секторига оид режасини (2019-2023 йиллар учун) қўллаб-қувватлайди.
"Дунё болалари қатори Ўзбекистоннинг болаларига ҳам COVID-19 пандемиясининг таъсири давом этмоқда. Шу сабабли ССВнинг ушбу шериклик таркибига кириши соғлиқни сақлаш ва санитария ҳолатини янада яхшилашга имкон беради. Биргаликда ҳаракат қилиб, биз мактабгача ёшдаги болаларнинг соғлом ва хавфсиз бўлишларини таъминлашимиз мумкин", - деган АҚШнинг Ўзбекистондаги элчиси Даниел Розенблум.
Маълумот учун, АҚШ Қишлоқ хўжалиги вазирлиги "Ўзбекистонда таълим ва болалар учун озиқ-овқат Makgovern-Doul халқаро дастури"ни 2024 йил сентябрь ойигача амалга ошириш мақсадида Mercy Corps билан ҳамкорлик қилади.
366views0replies
0

Комментарии