Бош прокуратура департаменти Матбуот хизматининг маълум қилишича, Фарғона вилояти Марғилон шаҳридаги умумий ўрта таълим мактаби ўқитувчиси Ш.Қ. юқори лавозимда ишловчи танишлари орқали С.га Қирғизистондаги Жалолобод давлат университетининг 1-курсини тамомлаганлиги ҳақида маълумотнома олиб беришни ва ушбу маълумотнома орқали уни Фарғона политехника институтига ўқишга киритиб қўйишни ваъда қилган.
Бунинг эвазига Ш.Қ. $2 минг талаб қилиб, пулни фирибгарлик йўли билан олган вақтида ашёвий далиллар билан ушланган.
Мазкур ҳолат юзасидан ЖК.нинг 168-моддаси (фирибгарлик) ва 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
