Ўзгидромет Матбуот хизматининг маълум қилишича, Фарғона водийси вилоятларининг тоғли ҳудудларида ва водийнинг Қирғизистон билан ёндош ҳудудларида кутилаётган маҳаллий ёмғирлар ҳисобига, 30-31 июлда Андижон, Наманган ва Фарғона вилоятларининг тоғ олди ва тоғли ҳудудларида сел келиши хавфи бор.
1 августдан бошлаб республикадан салқин ҳаво массалари аста-секин тарк эта бошлайди. Унинг ўрнини Эрондан кириб келадиган иссиқ ва қуруқ об-ҳаво массалари эгаллайди. Кундуз куни ҳаво ҳароратининг +35…+40 даражагача исиши кутилмоқда.
Республика тоғли ҳудудларининг баъзи жойларида қисқа муддатли ёмғир ёғиши ва момақалдироқ бўлиши мумкин.
