Жорий йилнинг 29 июль куни ўзбек экспортчилари BMB Za'faron бренди остидаги заъфарон товарининг дастлабки туркумини Европага жўнатди, деб хабар қилмоқда “Дунё” АА.
Маҳсулотлар жорий йил июнь ойида BMB Trade Group томонидан италиялик ҳамкорлар билан умумий қиймати 15 млн еврони ташкил этадиган экспорт шартномаси доирасида жўнатилди.
“Келажакда нафақат кўҳна қитъа, балки Америка ҳамда Осиё давлатларига ҳам Ўзбекистонда етиштирилган олий навли ва юқори сифатга эга заъфарон маҳсулотини етказиб беришни йўлга қўйиш режалаштирилмоқда”, - дейилади хабарда.
