Токиодаги Олимпиадага Ўзбекистон делегацияси вакиллари ярим тайёр шаклда қадоқланган ош ва нон олиб боришган. Бу ҳақда ТАСС хабар берди.
“Самарқандча ва анъанавий турдаги ош олиб келдик. Жами 500 идишда. Шунингдек, тахминан 200 тача нон ва мол гўшти ҳам олиб келдик. Олимпиада қишлоғидаги бошқа спортчилар билан ҳам бўлишяпмиз, масалан яқинда россиялик спортчиларга бир нечта нон бердик”, - дейди исми очиқланмаган Ўзбекистон делегацияси вакили.
Эслатиб ўтамиз, айни пайтда 71 нафар спортчи билан борган Ўзбекистон биттадан олтин ва бронза медалига эга чиққан.
