Жиззах шаҳрининг Қалия маҳалласида яшовчи аёл ўз уйида ҳужра ташкил қилгани фош этилди. Бу ҳақда Жиззах вилояти ИИБ Ахборот хизмати хабар берди.
Диний маълумотга эга бўлмаган аёл 15 дан ортиқ фуқарога диний таълим бериш билан ноқонуний шуғуллангани аниқланди. Уларнинг 8 нафари вояга етмаган болалар, энг кичиги 6 ёшда бўлган.
Тезкор тадбирда 20 дона диний мазмундаги адабиёт ва қўлланмалар аниқланиб, бир қисми далилий ашё сифатида олинган.
Ҳолат бўйича МЖтКнинг тегишли моддаси билан маъмурий баённома расмийлаштирилган. Ҳозирда суриштирув олиб борилмоқда.
