Бугун, 8 август куни Токио-2020 ёзги Олимпия ўйинларининг сўнгги кунида ўзбекистонлик спортчи Баҳодир Жалолов (+91 кг) америкалик рақиби Ричард Торресга қарши баҳс олиб борди.
Финал ўйинида Баҳодир рақибини 5:0 ҳисобида мағлуб қилди.
Эслатиб ўтамиз, Баҳодир Жалолов финалга чиқиш йўлида озарбайжонлик Магомед Абдуллаевни (5:0), ҳиндистонлик Сатиш Кумарни (5:0) ва британиялик Фрейзер Кларкни (техник-нокаут) мағлуб этган эди.
Ўзбекистон терма жамоаси ҳисобида учта олтин ва иккита бронза бор.