Бугун, 10 август куни АОКАда ИИВ фаолиятининг очиқлиги борасида матбуот анжумани ўтказилди.
Унда қатнашган ИИВ ЙҲХББ бошлиғи Олимжон Саидовнинг таъкидича, UZB ёки ААА каби сериали давлат автомобиль рақамлари бирор-бир ташкилот ёки муайян шахсларга бириктирилмаган. Ушбу давлат рақамлари очиқ савдода бўлган давлат рақам белгилари ҳисобланади.
“Вазирлар Маҳкамасининг тегишли қарорига асосан, автомобиллар учун 327 жуфт давлат рақамлари белгилари олти тоифага ажратилиб, аукцион орқали сотиш йўлга қўйилди. Бу орқали давлат рақамлари билан боғлиқ коррупцион омилларга барҳам берилди.
Масалан, ААА серияли давлат рақамлари 2017 йилдан буён 36 млн сўмга сотиляпти, ҳозирда 50 дона рақам қолган, бемалол мурожаат қилишингиз мумкин. UZB сериали рақамларни ҳам худди шундай тартибда исталган фуқаро харид қилиши мумкин”, - деди Саидов.