Чилонзорда Ford Mustang ҳамда Nexia тўқнашди. Бу ҳақда ИИВ ЙҲХББ хабар берди.
Кеча, 14 август куни соат 18:00 да Тошкент шаҳар Чилонзор тумани КХАЙ ва Дўмбиробод кўчалари кесишган чорраҳада 27 ёшли А.Р. бошқарувидаги Ford Mustang ҳамда 1994 йилда туғилган Э.М. бошқарувидаги Nexia русумли автомобиллар иштирокида тўқнашув содир бўлди.
Тўқнашув натижасида тан жароҳати олганлар йўқ.
Мазкур ЙТҲ юзасидан Тошкент шаҳар ИИББ ЙҲХБ ходимлари томонидан суриштирув олиб борилмоқда.