Германия Афғонистондаги фуқаролари ва кўплаб афғонларни Тошкент орқали олиб кетади. Бу ҳақда Германиянинг Ўзбекистондаги элчихонаси хабар берди.
Қайд этилишича, Германия ўз фуқаролари ва кўплаб афғонларни Ўзбекистон орқали олиб кетади. Тошкент ва Кобул ўртасидаги ҳаво кўприги Кобулда хавфсизлик ҳолати бунга имкон бергунига қадар эвакуациянинг жадал давом этишини таъминлайди.
Кеча Bundeswehr’нинг яна бир А400М русумли самолёти кўплаб инсонларни Кобулдан эвакуация қилди. Бугунга қадар 260 дан зиёд инсонларнинг ҳавфсизлиги таъминланган.
Эслатиб ўтвамиз, аввалроқ, Шавкат Мирзиёев Германия президенти билан телефон орқали афғон масаласини муҳокама қилгани ҳақида хабар берган эдик.
