Божхона қўмитаси Ахборот хизматининг хабар беришича, Тошкентдаги "Чуқурсой" божхона постида МЧЖлардан бирининг номига хориждан темир йўл контейнерида келтирилган юклар белгиланган тартибда божхона кўригидан ўтказилди.
Натижада, контейнердаги юклар орасида йўл-юк кузатув ҳужжатларида қайд этилмаган 5 минг 300 дона соябонлар, 251 мингдан зиёд фонар, 3.5 млн дона болалар учун шарлар ҳамда 10 минг 900 дона LED чироқлари борлиги аниқланган.
Қайд этилишича, мазкур товарларнинг умумий қиймати эса салкам 9.1 млрд сўмни ташкил қилмоқда.
Дастлабки ҳисоб-китобларга кўра, уларни божхона назоратидан яширинча олиб кириш орқали юк эгалари давлат бюджетига ундирилиши лозим бўлган 2.8 млрд сўмлик божхона тўловларини "тежамоқчи" бўлишган.
Ҳозирда мазкур ҳолат юзасидан суриштирув ишлари олиб борилмоқда.