Токио-2020 XVI ёзги Паралимпия ўйинларида ўзбекистонлик паралимпиячилар ҳар қачонгидан ҳам кўпроқ йўлланма билан боради. Бу ҳақда МОҚ Матбуот хизмати хабар берди.
Паралимпия ўйинларида илк марта 8 спорт турида, 48 спортчи 55 та йўлланмани қўлга киритди. Йўлланма олган ўзбекистонлик спортчилар пара-енгил атлетика, пара-сузиш, пара-дзюдо, пара-каное, пара-таеквондо, пара-пауерлифтинг, пара-академик эшкак эшиш ва пара-ўқ отиш спорт турларида баҳс олиб боришади.
Эслатиб ўтамиз, Токио-2020 ёзги Паралимпия ўйинлари 24 августдан 5 сентябргача ўтказилади.
