Бугун словениялик мутахассис Сречко Катанец Ўзбекистон футбол федерацияси билан 2025 йилга қадар мўлжалланган шартномани имзолади. Бу ҳақда ЎФА Матбуот хизмати хабар берди.
Қайл этилишича, миллий жамоа мураббийлар штабида 5 нафар хорижлик мутахассис иш олиб боради. Aлеш Чеҳ ва Владо Радманович ёрдамчи мураббий сифатида Сречко Катанецга кўмаклашади. Мартин Магистер жамоа аъзоларининг жисмоний тайёргарлигига жавобгар бўлади. Ниҳад Пейкович эса дарвозабонлар мураббийи сифатида фаолият олиб боради. Шунингдек, штабдан физиотерапевт Иан Катанец ўрин олган. Бироқ ЎФА Матбуот хизмати янги бош мураббий қанча ишлаб топишига ойдинлик киритмаган.
Эслатиб ўтамиз, европалик мутахассис мураббийлик фаолияти давомида Словения, Македония, БАА ва Ироқ миллий жамоаларини бошқарган. Катанец Словения термасини илк марта Европа (2000) ва Жаҳон чемпионатига (2002) олиб чиққан.
Унинг сўнгги иш жойи – Ироқ термаси бўлди. У 6 ой давомида маош олмагач, Ироқ футбол федерацияси билан шартномани бекор қилганди.