Аввалроқ, Хоразмда фотиҳаси бузилган 20 ёшли қиз ўзини каналга ташлагани ҳамда унинг акаси масъуллар ёрдам бермаётганини айтгани ҳақида хабар берган эдик.
Маълум қилинишича, қидирув-қутқарув тадбирлари давомида бугун, 27 август куни соат 13:00 ларда “Тошсақа чапқирғоқ” магистрал каналининг Боғот тумани Қулон қорабоғ маҳалласи ҳудудидан оқиб ўтган 32 км.дан марҳума Д.Э.нинг чириган ҳолдаги тан жароҳатларсиз мурдаси топилган.
Ҳозирда Д.Э.ни ўз жонига қасд қилганлиги ҳолати юзасидан Тупроққалъа туман прокуратураси томонидан терговга қадар текширув давом эттирилмоқда. Терговга қадар текширув вилоят прокуратураси томонидан назоратга олинган.