ИИВ ЙҲХББ хабарига кўра, 29 август куни соат 23:30 ларда Тошкент шаҳар, Чилонзор тумани, Бунёдкор кўчасида ЙПХ ходимлари О. Турғунов ҳамда О. Исмоиловлар томонидан Spark тўхтатилган.
Текширувда 30 ёшли ҳайдовчи А.К. шубхали хатти-ҳаракатлар билан воқеа жойидан пиёда қочиб, ходимларнинг қонуний талабини бажармаган. Кўрилган чоралар натижасида ҳайдовчи ушланган.
Холис ва гувоҳлар иштирокида автомобиль кўздан кечирилганда, салон қисмида целлофан пакетда, оқ рангли, кукунсимон, ўткир ҳидли гиёҳвандлик воситасига ўхшаш модда борлиги аниқланиб, тегишли тартибда ҳужжатлар расмийлаштирилган.
Ҳолат тўлиқ ўрганилиши учун топилган воситалар туман ИИО ФМБга топширилган.