28 август куни соат 17:40 ларда Самарқанд вилояти, Ургут туманида ЙПХ ходими К. Рашидов Damas ҳайдовчисига тўхташ ишорасини кўрсатганда, ҳайдовчи тўхтамай ҳаракатланишда давом этган.
ЙПХ ходими ва ушбу жойда хизмат олиб бораётган ИИБ соҳавий хизматлари ходимлари бошқа бир Damas'да қоидабузар ҳайдовчини кузатиб борган.
Ҳайдовчи тор кўчада тўхтаб қолганидан сўнг ходимлар томонидан бўйсунмаслик ҳолатини бартараф қилиш чоралари кўрилган. ЙПХ ходими томонидан меъёрий ҳужжатлари тақдим қилиниши сўралганда, ҳайдовчи ҳужжатларини тақдим қила олмаган.
Ҳолат бўйича тегишли тартибда баённома ва бошқа ҳужжатлар расмийлаштирилиб, автомобиль вақтинча сақлаш учун жарима майдончасига қўйилган.