Тошкент шаҳар транспорт бошқармаси пойтахт кўчаларида тирбандликлар келиб чиқиши сабаби енгил автомобиллар ҳамда йўналишсиз таксилар сонининг кўпайгани эканлигини маълум қилди.
Қайд этилишича, бу эса ўз навбатида автобус ва йўналишли таксилар оралиқ вақтининг ошишига олиб келган.
Ўқув мавсумининг биринчи кунида йўналишсиз такси хизматларига бўлган катта талабдан айрим ҳайдовчилар кўпроқ фойда оламан деб сунъий равишда йўналишсиз такси хизматлари нархини кескин ошириб юборган ва аҳолининг ҳақли эътирозларига сабаб бўлган.