Маълум қилинишича, жорий йилнинг 4 сентябрь куни соат 15:00 ларда Тошкент шаҳар Сергели тумани "Зийнат" МФЙ Шокирариқ кўчасида 41 ёшли Spark ҳайдовчиси Ш.Р. ҳамда 28 ёшли Changan юк автомобили ҳайдовчиси Ҳ.М.лар ўртасида ўзаро тортишувли вазият юзага келган.
Шундан сўнг, Changan ҳайдовчиси Ҳ.М. воқеа жойидан кетмоқчи бўлган вақтда Ш.Р. ушбу юк автомобилининг олд қисмига тепган. Ҳайдовчи тўхтамасдан ҳаракатда давом этган ва фуқаро Ҳ.М.ни автомобиль билан туртиб ўтган. Натижада, Ш.Р. тан жароҳати олган.
Мазкур ҳолат юзасидан Тошкент шаҳар ИИББ ЙҲХБ ходимлари томонидан тегишли ҳужжатлар расмийлаштирилиб, ҳозирда суриштирув ҳаракатлари олиб борилмоқда.
