Тошкент шаҳар экология ва атроф муҳитни муҳофаза қилиш бошқармасига пойтахтнинг Миробод тумани, Чимкент кўчасида ноқонуний дарахт кесилиши бўйича ижтимоий тармоқлар орқали мурожаат келиб тушган.
Давлат инспекторлари олиб борган ўрганиш давомида туман ҳудудида табиий омиллар таъсирида касалланган, қуриб қолган ҳамда инсон соғлиги ва ҳаётига хавф туғдирувчи дарахтлар кесилганлиги аниқланган. Унга мувофиқ, ҳужжатлар қонуний тарзда расмийлаштирилиб, тегишли хулоса олинган.
Эслатиб ўтамиз, Шавкат Мирзиёев дарахтларни кесишга мораторийни 2024 йилгача узайтирилишини маълум қилганди.
