Бугун, 8 сентябрь куни “Адолат” СДП Сиёсий Кенгаши X қурултойи ўтказилди. Унда “Адолат” социал-демократик партиясидан Ўзбекистон президентлигига Баҳром Абдураҳимович Абдуҳалимовнинг номзоди бир овоздан маъқулланди.
Баҳром Абдуҳалимов ўз дастурида қуйидаги ислоҳотларни жорий қилишини маълум қилди:
— “Биз таълим тизимида кечаётган тарқоқликлардан, қарама-қаршиликлардан воз кечиш учун Мактабгача таълим, Халқ таълими, Олий ва ўрта махсус таълим вазирликларини ягона – Таълим вазирлигига айлантирамиз!”
— “Биз болаларни мактабгача таълим муассасаларига ҳозиргидек уч ёшидан эмас, икки ёшидан бошлаб, ҳеч қандай навбатларсиз юз фоиз қамраб оламиз”
— “Биз табиий бойликларни, жумладан табиий газ ва электр энергиясини аввало халққа берилишини, эҳтиёждан ортиғини эса четга сотилишини йўлга қўямиз”.