Сирдарё вилояти Экология бошқармаси Ахборот хизматининг хабарига кўра, жорий йилнинг 17 сентябрь куни соат 22:52 лар атрофида Янгиер шаҳар “Шодлик” МФЙ ҳудудида “Сув омбор қурилиш” хусусий корхонаси иш юритувчиси О.С нинг буйруғи билан Н.Х, С.Т, А.Ғ томонидан саломатлик йўлакчаси қурилиши сабабли экскаватор ёрдамида 12 дона шумтол ва 1 дона тут дарахтларини қўпораётганлик ҳолати аниқланди.
Аниқланган ҳолат юзасидан фуқароларга нисбатан МЖтКнинг 79-моддаси 1-кисми билан маъмурий баённома расмийлаштирилиб, 6 млн 750 минг сўм жарима ҳамда 125 млн 820 минг сўм табиатга етказилган зарар қўлланилди.
