Қозоғистон Республикасида коронавирус инфекцияси тарқалишининг олдини олиш бўйича идоралараро комиссия томонидан мамлакат чегарасини кесиб ўтиш тартибини ўзгартириш тўғрисида қарор қабул қилинди. Бу ҳақда мамлакат Бош вазири Матбуот хизмати хабар берди.
Қарорга биноан қуйидаги шахслар учун давлат чегарасини кесиб ўтиш тартибига ўзгартиришлар киритилди:
- Қозоғистон Республикасида доимий яшаш учун рухсатнома олган чет элликлар ва уларнинг оила аъзолари;
- Қозоғистон Республикаси фуқароларининг оила аъзолари ҳисобланган чет элликлар.
Ушбу тоифадаги шахслар Қозоғистон Республикаси давлат чегарасини 90 кун ичида бир мартадан ортиқ кесиб ўтишлари мумкин эмас (илгари бу 30 кун эди).
Шунингдек, 57 мамлакат фуқаролари учун визасиз режим тўхтатиш 2021 йилнинг 1 майига қадар узайтирилди.
