Ўзбекистонда хизмат кўрсатган артист Клара Жалилова 82 ёшида вафот этди, дея хабар бермоқда "Ўзбеккино" МА Матбуот хизмати.
“Дўстлик” ордени соҳибаси Клара Жалилова 1938 йилда Тошкент шаҳрида таваллуд топган. Актриса фаолиятини қўшиқчиликдан бошлаган. 1958 йилда суратга олинган “Мафтунингман” фильмидаги бош қаҳрамон – Юлдузхон образи актрисага машҳурлик олиб келган.
Клара Жалилова “Чинор остидаги дуэл”, “Келинлар қўзғолони”, “Кулол ва хумча”, “Сўнгги лаҳза” каби фильмларда ҳам эсда қоларли образлар яратган.
2011 йилда “Дўстлик” ордени билан мукофотланган.
