Аввалроқ, ижтимоий тармоқларда Ислом Каримовнинг қизи Гулнора Каримованинг қамоқдан озод қилингани ҳақидаги хабарлар тарқалган эди.
Олий суд Матбуот котиби Азиз Абидовнинг маълум қилишича, бу маълумот асоссиз ва ҳақиқатга тўғри келмайди.
Маълумот учун, Гулнора Каримова 2017 йили 10 йиллик қамоқ жазосига ҳукм этилган, кейинчалик жазо уй қамоғига алмаштирилган. 2019 йили уй қамоғи шартларини бузгани учун яна қамоққа қайтарилган ва 2020 йилда унга қўшимча 13 йил 4 ойлик жазо тайинланган эди.
