Бухоро вилояти ИИБ Ахборот хизмати Бухоро шаҳрида "Ваз-21063" русумли автомашина билан содир бўлган бахтсиз ҳодиса юзасидан маълумот берди.
Аниқланишича, жорий йилнинг 22 декабрь куни соат 17:30 ларда, Бухоро шаҳри Ибн Сино кўчасида ҳайдовчи, 1971 йилда туғилган Ж.Р. "Ваз-21063" русумли автомобилни бошқараётиб "Дилкушо" кесишмасига етган вақтида транспорт воситасининг газ баллонида чақнаш содир бўлган.
Чақнаш натижасида ҳайдовчига биринчи тез тиббий ёрдам кўрсатиш мақсадида шифохонага олиб кетилган.
Мазкур ҳодиса бўйича вилоят ИИБ ЙҲХБ ҳамда ФВБ ходимлари томонидан суриштирув ишлари олиб борилиб, чақнаш сабабларига аниқлик киритилмоқда.
