Бугун, 30 июль куни Дин ишлари бўйича қўмитада Олий Мажлис Сенати Раиси Танзила Нарбаева иштирокида тадбир бўлиб ўтган.
Маълум қилинишича, унда ташкилий масала ҳам кўриб чиқилган.
Дин ишлари бўйича қўмита раиси ўринбосари сифатида фаолият кўрсатиб келган Д.М.Ғуломова бошқа ишга ўтиши муносабати билан лавозимдан озод қилинган. Унинг ўрнига М.М.Каххарова тайинланди.
Маълумот ўрнида, Дилбар Муҳамедхоновна 2019 йилда Дин ишлари бўйича қўмитада янги очилган хотин-қизлар билан ишлаш йўналишига раҳбар этиб тайинланиб, Қўмита раиси ўринбосари лавозимида иш бошлаган эди.
