ФВВ хабарига кўра, А-373 автомобиль йўлининг "Қамчиқ" довонидан ўтувчи 229-километрида жалали ёғиши оқибатида йўлнинг ҳаракат қисмини лой, қумтошли масса қоплаган. Ҳодиса натижасида, тан жароҳати олган ва ҳалок бўлганлар йўқ. Вазият назорaтга олинган.
Қайд этилишича, ҳозирда ҳодиса оқибатларини бартараф этиш бўйича ФВВ, ЙҲХХ ҳамда "Қамчиқавтойўл" ИЙФУК ходимлари томонидан тезкор чоралар кўрилмоқда. Йўлнинг ҳаракат қисми яқин дақиқаларда очилади.
