Бугун, 6 май куни Ташқи ишлар вазири Бахтиёр Саидов Молдованинг Ўзбекистондаги Элчиси этиб тайинланган Валериу Кивер билан учрашиб, унинг ишонч ёрлиқларини қабул қилди. Бу ҳақда Ўзбекистон ТИВ Матбуот хизмати хабар берди.
Мулоқот чоғида икки томон алоқаларининг ҳозирги ҳолати кўриб чиқилди ва келгусидаги ҳамкорликнинг истиқболли йўналишлари белгилаб олинди. Бахтиёр Саидов Элчига Ўзбекистондаги дипломатик фаолияти давомида муваффақиятлар тилади.
