Мамлакатларнинг миллий статистика тизимини ривожланганлик даражасини баҳолаб борадиган Жаҳон банкининг “Статистика салоҳияти индекси”да Ўзбекистон 67,8 балл билан 154 та давлат орасидан 67-ўринни эгаллади.
Мазкур индекс мамлакатнинг статистик салоҳияти, эришаётган ютуқлари ва миллий статистика тизимини ривожлантириш борасида олиб бораётган ислоҳотлари натижаларини акс эттиради.
Ўзбекистон рейтингда 2016 йил ҳисоботига нисбатан 66 поғонага, 2019 йил ҳисоботига нисбатан эса 15 поғонага кўтарилди.
Давстатқўм маълумотига кўра, 2020-2025 йилларда статистикани ривожлантиришининг миллий стратегияси доирасида белгиланган чора-тадбирларни амалга ошириш орқали, Ўзбекистоннинг Жаҳон банкининг “Статистика салоҳияти индекси”даги кўрсаткичларини босқичма-босқич яхшилаб бориши режалаштирилган. Ўзбекистон 2025 йилга келиб, 94 баллни қўлга киритган ҳолда рейтингда биринчи ўнталикка кириши кўзда тутилган.
