ФВВ хабарига кўра, бугун соат 18:42 да Андижон тумани Шифокор кўчасида жойлашган тиббиёт бирлашмасига қарашли бинода ёнғин содир бўлди.
Маълум бўлишича, ёнғиндан бинонинг 100 кв. метр майдон том ва шифт қисми ёниб зарар кўрган. Бинода бўлган 20 нафар бемор ўз вақтида хавфсиз жойга эвакуация қилинган. Шу сабабли ҳалок бўлган ва тан жароҳати олганлар қайд этилмаган.
Ёнғин бир неча дақиқада тезкорлик билан бартараф этилган. Бинонинг 500 кв. метр майдони ёнғиндан сақлаб қолинган.
