«UzNews.uz»га «Тошшаҳартрансхизмат» компанияси вакили Улуғбек Тўрабековнинг хабар беришича, ЙТҲ соат тахминан 15:00да Тошкент шаҳри Яшнобод туманида содир бўлган. Унинг сўзларига кўра, «Nexia» русумли автомобиль ҳайдовчиси 199-сонли йўловчи автобусига урилиб кетган. Шундан сўнг, автобус ҳайдовчиси бошқарувни эплай олмаган ва автобус ариққа тушиб кетган, «Nexia» ҳайдовчиси эса воқеа жойидан яширинган.
ЙТҲ натижасида 1981 йилда туғилган автобус ҳайдовчиси бошидан жароҳат олган. Йўловчилар орасида жабрланганлар йўқ.
Компания вакилининг қўшимча қилишича, ҳозирда ЙҲХБ ходимлари томонидан «Nexia» русумли автомобиль ҳайдовчиси қидирилмоқда.
