Президент Шавкат Мирзиёев ташаббуси билан комбинатнинг 2017-2026 йилларга мўлжалланган ривожланиш дастурлари ишлаб чиқилиб, келгуси 10 йил давомида амалга ошириладиган лойиҳалар белгилаб берилди. Ҳужжатларга мувофиқ, 3 миллиар 63 миллион долларлик лойиҳа амалга оширилади, бунинг натижасида ишлаб чиқариш ҳажми 30 фоизга кўтарилиб, 31 мингдан ортиқ янги иш ўринлари яратилиши кўзда тутилган.
Ҳозирги кунда комбинат Ўзбекистоннинг йирик кон-металлургия мажмуаси ҳисобланиб, олтин ва уран ишлаб чиқариш бўйича дунёнинг йирик компаниялари ўнталигига кирган. Мамлакатнинг еттита вилоятида комбинатнинг ўз бўлинмалари мавжуд. Комбинат ходимлари сони 60 минг кишидан ошади.
