Россиянинг Рязан вилояти полицияси 2018 йилнинг 11 январь куни газ исидан Ўзбекистон Республикасининг 4 фуқароси ҳалок бўлгани ҳақида хабар берган эди.
Сурхондарё, Андижон ва навоийлик бўлган бу фуқароларнинг жасадлари Ўзбекистон Республикаси Фавқулодда вазиятилар вазирлиги томонидан Ўзбекистонга олиб келинди.
ФВВ Фавқулодда вазиятлар бошқарув марказининг хабарига кўра, Россияга жўнаб кетган гуруҳ вакиллари бугун юртимизга етиб келишган ва энди жасадлар ўз вилотяларидаги уйларига олиб борилади.
Ўша кунги фалокатдан омон қолган бухоролик Саидов Шерхон Муҳаммадович оғир аҳволда шифохонанинг жонлантириш бўлимига ётқизилгани ҳақида хабар берган эдик.
Ҳозирча бу ҳақда маълумотлар тақдим қилингани йўқ.
