Енгилмас ва нокаутчи боксчимиз Шоҳжаҳон Эргашев (11-0, 11 KOs) ўзининг навбатдаги жангини 12 январь куни АҚШда ўтказади.
Ҳамюртимиз ўзининг 12-жангини Нью-Йорк шаҳридаги Turning Stone Resort Casino аренасида ўтказиши маълум бўлди.
Шоҳжаҳоннинг рақиби америкалик енгилмас боксчи Сони Фредриксон (18-0, 12 KOs) бўлади. “Фредриксон кучли боксчи. Мен каби барча жангларини ғалаба билан якунлаган. Агар жангда ғалаба қозонсам, рейтингда кучли ўнталикка кириб оламан. Бу эса кейинги жангларимда чемпионлик камари учун рингга чиқишим мумкинлигини англатади”, - деди Шоҳжаҳон.
Америкалик боксчи Фредриксон фаолияти давомида 18 маротаба жанг ўтказган бўлиб, уларнинг барчасида ғалабага эришган. Ўн иккита жангда рақибларини нокаутга учратган. Шоҳжаҳон эса 11та жангининг барчасини муддатидан аввал нокаут билан якунлаган.
