Тергов давомида аниқланишича, ҳодиса 25 июнь куни соат эрталабки 6 да содир бўлган. Иккаласининг ўртасида қаттиқ жанжал бўлганлиги сабабли эри аёлини бир неча маротаба пичоқ билан урган. Аёлининг ўлганини тушинган эркак ўз жонига қасд қилишга қарор қилган. Эркак оғир аҳволда шаҳар касалхонасининг реанимация бўлимига олиб келинган.
UzNews.uz муҳбирига ҳуқуқни муҳофаза қилиш органларидаги ишончли манбаалар берган хабарга кўра, вақтинча ишсиз бўлган 1974 йилда туғилган фуқаро чет элга ишлаш учун кетган, қайтганида эса ўз аёлига ОИВ инфекциясини юқтирган. Шунинг натижасида бир неча маротаба оилавий жанжаллар бўлган ва оқибатда эр ўз аёлини ўлдирган.
Ушбу фуқарога нисбатан Ўзбекистон Республикаси жиноят кодексининг 97-моддаси 1-қисми билан жиноят иши қўзғатилган. Тергов ишларини прокуратура олиб бормоқда.
