Фарғона, Тошкент, Сирдарё, Жиззах ва Наманган вилоят божхона бошқармалари кўчма контейнерлар бўйича танлов эълон қилди.
Танловда Вилоятлар божхона бошқармалари эҳтиёжи учун фойдаланишга тайёр, жиҳозланган кўчма контейнерлар харид қилиши айтилган.
Контейнерларни техник шартлар асосида тайёрлаб етказиш ва ўрнатиш муддати 30 иш куни деб белгиланган бўлса, таклифлар эълон чиққан кундан бошлаб 10 кун муддатда қабул қилинади.
Қўшни ва қардош Тожикистон билан чегарадош ҳудудлардаги Вилоятларимиз Божхона бошқармаларининг бундай танлов эълон қилиши, Шавкат Мирзиёевнинг Тожикистонга март ойи бошида қиладиган ташрифи олдидан чегарадош худуддаги божхона постларини очишга тайёргарлик сифатида тушуниш мумкин.
