Ўзгидрометнинг хабарига кўра, бугун кундуз куни Ўзбекистонда қуруқ ва илиқ об-ҳаво бўлиши кутилмоқда, фақат Тошкент вилоятида куннинг биринчи ярмида бироз ёмғир ёғиши мумкин. Ҳаво ҳарорати +13…+18 даражагача кўтарилади.
Маълум қилинишича, 23-24 ноябрь кунлари аномал илиқ об-ҳаво сақланиб туради, бироқ Каспий денгизининг жанубий ҳудудларидан нам ҳаво кириб келиши кутилмоқда.
23 ноябрда республиканинг жануби-ғарбий, 24 ноябрда эса жанубий туманларида баъзи жойларда ёмғир ёғади. Ҳарорат +13…+18 даража атрофида бўлади.
25-26 ноябрь кунларида Ўзбекистон ҳудудига Волгабўйи ҳудудларидан яна антициклон кириб келиши кутилмоқда.
25 ноябрда республиканинг шимолий ҳудудларига, 26 ноябрда республиканинг қолган ҳудудларида баъзи жойларда ёмғир ёғади, тоғли ҳудудларда ёғингарчилик (ёмғир, қор) бўлади.
Шамол тезлиги 15-20 м/с гача кучаяди. Ҳаво ҳарорати кечалари булутлилик билан +9…+11 даражагача кўтарилади, 26 ноябрга келиб эса кундуз кунлари меъёрий қийматларгача пасаяди ва +8…+13 даражани ташкил этади.
