Чўлпонотадаги ташриф дастури доирасида Ўзбекистон президенти Шавкат Мирзиёев Марказий Осиё давлатлари ва Озарбайжон раҳбарлари билан бирга Қирғизистондаги илк халқаро тоифадаги голф клубининг тантанали очилиш маросимида иштирок этди.
Давлат раҳбарлари клубда яратилган замонавий спорт ва туристик инфратузилма билан танишди. Таъкидланишича, янги мажмуа голф спорт турини оммалаштириш ва спорт туризмини ривожлантиришга хизмат қилади.
Давлат раҳбарлари Қирғизистон президенти Садир Жапаров ва қирғиз халқини янги мажмуа очилгани билан табриклаб, мамлакатнинг туристик салоҳиятини янада юксалтиришга қаратилган йирик лойиҳаларни амалга оширишда муваффақият тилади.
Комментарии