Тошкент метрополитенининг реконструкция ишлари олиб борилган “Чинор” метро бекати 2026 йил 29 июль куни соат 05:00 дан бошлаб йўловчилар учун ўз фаолиятини қайта бошлайди. Бу ҳақда метрополитен матбуот хизмати маълум қилди.
Маълум қилинишича, бекатда Вазирлар Маҳкамасининг2026 йил 30 апрелда ўтказилган йиғилишида берилган топшириқлар ижроси доирасида кенг кўламли реконструкция ва кенгайтириш ишлари амалга оширилган.
Реконструкция жараёнида бекатнинг кириш ва чиқиш қисмлари сезиларли даражада кенгайтирилди. Хусусан, аввал 6 та бўлган турникетлар сони 13 тага етказилди. Шунингдек, йўловчилар ҳаракати учун ўтиш йўлаклари қайта лойиҳалаштирилиб, бекатдан бекатга тўғридан тўғри ўтиш имконияти яратилди.
Қайд этилишича, модернизациядан аввал кунига ўртача 15 минг нафар йўловчига хизмат кўрсатган бекат энди бир кунда 35–40 минг нафаргача йўловчига сифатли хизмат кўрсатиш имкониятига эга бўлди.
Комментарии