Инспекция маълумотларига кўра, мурожаатлар ўрганилиши натижасида ҳозирда фаолият юритаётган 143 та корхона ва ташкилот раҳбарларига нисбатан маъмурий ҳамда жиноий таъсир чоралари қўлланилган.
Шунингдек, 56 та корхона ва ташкилотга қонунбузилишларни бартараф этиш юзасидан ёзма кўрсатмалар киритилган. Текширувлар давомида айрим мурожаатларда кўрсатилган корхона ва ташкилотлар тугатилгани ҳам аниқланган.
Маълум қилинишича, фуқароларнинг ҳуқуқларини тиклаш мақсадида 2020–2025 йилларда Ягона миллий меҳнат тизими (ЯММТ)га киритилган нотўғри маълумотлар ўчирилиб, муаммолар бартараф этилган.
Давлат меҳнат инспекцияси фуқароларга меҳнат фаолияти ҳақидаги маълумотлар уларнинг хабари ва розилигисиз расмийлаштирилганини аниқласа, ваколатли органларга мурожаат қилишни тавсия қилди.
Бунинг учун Камбағалликни қисқартириш ва бандлик вазирлигининг 1176 қисқа рақами ёки Давлат меҳнат инспекциясининг расмий @munosibmehnat_bot Telegram боти орқали мурожаат қилиш мумкин.
Комментарии