Президентнинг "Балиқчилик тармоғини ривожлантиришга доир қўшимча чора-тадбирлар тўғрисида"ги Фармонига мувофиқ, Сув хўжалиги вазирлиги ҳузурида Балиқчиликни ривожлантириш маркази ва унинг ҳудудий бўлинмалари ташкил этилади.
Янги марказ балиқчилик соҳасида ягона давлат бошқаруви тизимини шакллантириш, сув объектларидан самарали фойдаланишни ташкил этиш, илмий ёндашувларни кенг жорий этиш ҳамда соҳада фаолият юритаётган тадбиркорлик субъектларини тизимли қўллаб-қувватлаш билан шуғулланади.
Марказга доимий фойдаланиш ҳуқуқи асосида ажратилган сув фонди ерларида балиқ етиштириш учун республикадаги барча:
- сув омборлари;
- коллектор ва дренаж тармоқлари;
- табиий сув объектларига бепул ижарага берилади.
Шунингдек, Марказ ҳузурида Балиқчиликни ривожлантириш ва қўллаб-қувватлаш жамғармаси ташкил этилади. Жамғарма орқали соҳани молиявий рағбатлантиришнинг янги механизмлари жорий қилиниши кўзда тутилган.
Қайд этилишича, мазкур тизимнинг жорий этилиши балиқчилик тармоғини замонавий бошқарув тамойиллари асосида янада ривожлантириш, ишлаб чиқариш ҳажмини ошириш ҳамда соҳага инвестицияларни жалб этишга хизмат қилади.
Комментарии