Қушлар Қозоғистонда шайх Мансур бин Зоид Ол Наҳаён вакиллигига қарашли махсус кўпайтириш марказида етиштирилган. Зарур тайёргарликдан ўтгач, улар Оролбўйига олиб келиниб, ёввойи табиатга қўйиб юборилган.
Қўмитага кўра, ҳуборо популяциясини тиклаш Оролбўйи учун алоҳида аҳамиятга эга. Орол денгизининг қуриши оқибатида юзага келган экологик инқироз Қорақалпоғистон табиий экотизимларига жиддий таъсир кўрсатган. Натижада чўл ва дашт ҳудудларига хос кўплаб ҳайвон ва қушларнинг яшаш муҳити қисқариб, уларнинг сони камайган.
Ҳуборо муҳофазага муҳтож ноёб турлардан бири ҳисобланади. Уни табиий муҳитга қайтариш Оролбўйидаги экологик мувозанатни тиклаш ва биологик хилма-хилликни сақлашга хизмат қилади.
Аввалроқ Экология ва иқлим ўзгариши миллий қўмитаси ҳамда Falcon Hunting Solutions МЧЖ ҳамкорлигида Қорақалпоғистон ҳудудида ҳар йили 2–3 минг бош ҳуборони ёввойи табиатга қўйиб юбориш режалаштирилгани хабар қилинган эди.
Комментарии