Uzbekistan Airports компанияси Экспорт назорати ва чегаралар хавфсизлиги дастури (EXBS) доирасида LEIDOS русумидаги 12 та газ таҳлиллагични қабул қилди.
Ускуналарни топшириш Ўзбекистондаги АҚШ элчихонаси ҳамда АҚШ Транспорт хавфсизлиги маъмурияти (TSA) билан ҳамкорлик натижаси бўлди.
Янги қурилмалар мамлакатдаги барча халқаро аэропортларда қўлланилади. Улар йўловчилар багажи, қўл юки, юклар ва почта жўнатмаларини текшириш жараёнида портловчи моддалар изларини аниқлаш имконини беради.
Uzbekistan Airports бошқаруви раиси ўринбосари, авиация хавфсизлиги ва режим масалалари бўйича Беҳзод Юсупов америкалик ҳамкорларга самарали ҳамкорлик ва кўмак учун миннатдорлик билдирди.
Унинг таъкидлашича, бундай қўшма лойиҳалар янги технологияларни жорий этиш, мутахассислар малакасини ошириш ҳамда Ўзбекистонда авиация хавфсизлиги тизимини янада такомиллаштиришга хизмат қилади.
Комментарии