Андижон вилояти ИИБ ЖХХ ЙҲХБ Ахборот хизмати хабарига кўра, жорий йилнинг 25 июнь куни соат 17:55 ларда Андижон шаҳар “Янги Бўстон” МФЙ А.Темур шоҳ кўчасидаги тартибга солинмаган пиёдалар ўтиш жойида, ҳайдовчи 1997 йилда туғилган Р.З. ўзига тегишли бўлган бошқарувидаги "Malibu-2" русумли автомобилини бошқариб кетаётиб, ЙҲҚнинг 109-бандини қўпол равишда бузган ва тартибга солинмаган пиёдалар ўтиш жойидан йўлни кесиб ўтаётган 3 нафар пиёдаларни ўтказиб юбормасдан уриб юборган.
Ушбу ЙТҲ оқибатида пиёдалар олган тан жароҳатлари билан шифохонага олиб борилган. Бироқ, шифокорлар томонидан кўрсатилган барча тиббий муолажаларга қарамасдан, уларнинг 2 нафари вафот этган.
Мазкур ҳолат юзасидан Андижон шаҳар ИИОФМБ Тергов бўлими томонидан дастлабки тергов ҳаракатлари олиб борилмоқда.
Ҳозирда ҳайдовчи процессуал тартибда қамоққа олиниб, ҳолат юзасидан Андижон шаҳар ИИОФМБ Тергов бўлими томонидан Жиноят Кодексининг 266-моддаси 2-қисми билан жиноят иши қўзғатилиб тергов ҳаракатлари олиб борилмоқда.
Комментарии