Янги қоидаларга кўра, суҳбат босқичида номзодларга бериладиган саволлар давлат органининг расмий веб-сайтида суҳбат ўтказилишидан камида бир ой олдин эълон қилиниши шарт.
Шунингдек, бир ой олдин эълон қилинмаган саволларни суҳбат жараёнида номзодларга бериш тақиқланади.
Янги тартиб доирасида айрим лавозимлар рўйхати тасдиқланади. Ушбу лавозимларга қабул қилишда ички танлов ўтказилмайди ҳамда номзодлардан умумий ёки махсус меҳнат стажи талаб қилинмайди.
Бундан ташқари, айрим лавозимлар учун номзодлардан кўпи билан икки йиллик умумий ёки мутахассислик бўйича иш стажи талаб қилиниши мумкин бўлган лавозимлар рўйхати ҳам тасдиқланади.
Мазкур ўзгаришлар ёшларнинг давлат хизматига кириш имкониятларини кенгайтириш ва танлов жараёнларининг очиқлиги ҳамда шаффофлигини таъминлашга қаратилган.
Комментарии