ЙТҲ 21 июнь куни соат 21:00 атрофида содир бўлган. 38-сонли йўналишда ҳаракатланувчи автобус Шота Руставели кўчаси орқали Янги вокзал томон ҳаракатланаётган вақтда А.А. (2000 йилда туғилган) пиёдани уриб юборган.
Маълум қилинишича, фуқаро йўлни тақиқловчи светофор сигналида кесиб ўтган.
«Тошшахартрансхизмат» АЖ маълумотига кўра, автобус ҳайдовчиси З.Д. катта тажрибага эга бўлиб, умумий меҳнат стажи 18 йилни, шундан 12 йили автобус паркида ишлаган.
Ҳодисадан сўнг ҳайдовчи тез ёрдам чақирган. Жабрланувчи Республика шошилинч тиббий ёрдам илмий марказига етказилган.
Ҳодиса юзасидан ҳуқуқ-тартибот органлари томонидан дастлабки текширув олиб борилмоқда.
Комментарии