Аввалроқ ижтимоий тармоқларда бир эркак ўсмирларнинг муштлашувига аралашиб, улардан бирини калтаклагани акс этган видео тарқалган эди.
Вилоят ИИБ матбуот хизматининг маълум қилишича, 18 июнь куни тахминан соат 15:30 ларда Шаҳрихон тумани "Намозгоҳ" МФЙ ҳудудидан оқиб ўтувчи Шаҳрихонсой каналида 2016 йилда туғилган икки нафар бола чўмилиш вақтида жанжаллашиб қолган.
Шундан сўнг, 1988 йилда туғилган ўғил болалардан бирининг отаси жанжалга аралашиб, қўшнисининг боласини калтаклаган.
Ички ишлар бўлимида эркак ўз хатти-ҳаракатларининг оқибатини ўйламасдан, болага руҳий жароҳат етказиши мумкинлигини айтиб, қилган ишидан пушаймонлигини тан олди.
Мазкур ҳолат юзасидан Жиноят кодексининг 277-моддаси 2-қисми "д" банди (Безорилик) билан жиноят иши қўзғатилган. Гумонланувчи қўлга олинди. Тергов ҳаракатлари олиб борилмоқда.
Комментарии