Бугун, 13 июнь куни соат 10:21 да Тошкент шаҳар Фавқулодда вазиятлар бошқармасига Яккасарой тумани Нукус кўчасида жойлашган кўп қаватли турар-жой биносининг фасади ёнаётгани ҳақида хабар келиб тушган.
Қутқарув гуруҳлари воқеа жойига етиб бориб, соат 10:23 да ёнғинни бартараф этишга киришди. Ёнғин соат 11:00 да қуршаб олинган ва соат 11:10 да тўлиқ ўчирилган.
Қайд этилишича, кўп қаватли уйнинг барча аҳолиси эвакуация қилинган. Ҳодиса оқибатида тан жароҳати олганлар йўқ.
Ҳозирда ҳодисанинг аниқ сабаблари ва моддий зарар миқдори аниқланмоқда.
Комментарии